Muyot , Ericka Dana
ABM 12 - 1

 OP#6 

"Paalam na muna"
Tahimik
Tahimik ang buhay ko noong wala ka pa
Gigising sa umaga na pagbangon lang ang problema
Ngunit noong dumating ka ang lahat ay nag iba
Umaga
Umaga na at akoy maliligo na sana pero mas pinili kong basahin muna ang bati mong "mahal, maganda kapa sa umaga"
Hanggang sa masanay na ako na tingnan ang telepono ko tuwing sasapit ang umaga.
Tanghali
Sasapit ang tanghali at magbabakasali na makita ang ngiti sa iyong mga labi
Dahil kahit ako ay napapangiti tuwing nakikita kita sa tanghali
Umaga, tanghali, gabi na nasanay akong andito ka sa aking tabi at nakaligtaan ko ng isipin kung ano bang mangyayari saakin kung bigla ka nalang mag laho na parang walang nangyari.
"Mahal,hindi kita iiwan"
"Hindi na kita muling pakakawalan"
"Hindi ko kakayanin kung hindi ka magiging akin dahil isa kang pangarap na nais kong abutin"
Tatlong katagang iyong binitawan bago pa man alo mahulog ng tuluyan.
Naging masaya ang sumunod na araw, damang dama ang namuong pagmamahalan na binalak sundan ng mga pangakong binitawan.
Ngunit isang araw lumamig ang simoy ng hangin, kasabay ng pagbabago ng pakikitungo mo sa akin.
Hindi ko alam kung saan nagsimula ngunit hindi rin nag tagal at nangyari nga ang kinatatakutan kong araw kung saan ang lahat ng nakasanayan ay unti-unti ng naglaho, tuluyan ng nagtago at di na muling nakamtam.
Mga pangakong walang ginawa kundi mapako. Nakakasawa nang pakinggan paulit ulit na lamang, hindi na dapat pang ipag laban dahil ako nalang rin naman ang lumalaban.
Isang mapait na karansan man, ngunit kailanmay di ko pinagsisisihan na pinili kong maranasan ang ganitong kalikasan dahil kahit may sakit itong dulot, may aral din naman akong natutunan. Iintindihin ko na lamang, nagsisimulang muli at pagtutuunan na muna ng pansin ang pag aaral, pamilya at kaibigan. Dahil ako rin naman ay may pagkukulang.
At kung sakaling darating ang panahon na babalik ka sasabihin mong "handa kana", ang lahat ay pag iisipan ko muna dahil ang isang beses ay sapat na. Mahal, paalam na muna.